Paroles de la chanson Amicu ci sì tù par Canta U Populu Corsu

Chanson manquante pour "Canta U Populu Corsu" ? Proposer les paroles
Proposer une correction des paroles de "Amicu ci sì tù"

Paroles de la chanson Amicu ci sì tù par Canta U Populu Corsu

Amicu ci sì tù chì ci porghji la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu ci sì tù.

Amicu ci sì tù chì ci porti penseru
Quandi u morsu stringhje di ferru furesteru
Quandi l'ochju dinnera da lu vechju addisperu
Amicu ci sì tù.

Amicu ci sì tù chì copri lu dulore
Quandi a brusta ghjala u focu di l'amore
Quandi a fede cala in core traditore
Amicu ci sì tù.

Amicu ci sì tù chì ci apri le porte

Quandi l'idea more nantu à le strade torte
Quand'ellu sbuccia un fiore cum'è sognu di morte
Amicu ci sì tù

Amicu ci sì tù chì ci dai speranza
Quandi a vita cagna ci tomba fratellanza
Quandi a terra cara si sfuma in la partenza
Amicu ci sì tù.

Amicu ci sì tù chì ghjetti lu mandile
Quandi u tempu vene d'ùn esse più ghjentile
Quand'ella vene l'ora d'ùn esse più civile
Amicu ci sì tù

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)