Paroles de la chanson Ar breur hag ar c'hoar (Le frère et la soeur) par Chansons Bretonnes

Ar breur hag ar c'hoar (Le frère et la soeur) Traduction française

Chanson manquante pour "Chansons Bretonnes" ? Proposer les paroles
Proposer une correction des paroles de "Ar breur hag ar c'hoar (Le frère et la soeur)"

Paroles de la chanson Ar breur hag ar c'hoar (Le frère et la soeur) par Chansons Bretonnes

Selaouit holl hag a klevfet
Ur son a zo nevez savet ;
D'ur soudard yaouank ez eo graet,
A oa d'an arme partiet.

A oa d'an arme partiet,
Hag e dad zo az-dimezet.....
Pa oa e amzer achuet,
D'ar gêr ez eo bet distroet.

- Demat ha joa barzh an ti-mañ,
Ar verc'h-henañ pelec'h emañ ;
Ar verc'h-henañ eus an ti-mañ,
Oa he ano Marianna ?

- Aet eo du-se da dall ar stank,

Aet daveti, soudard yaouank ;
Hounnezh eo plac'h 'n daouliarded,
Goullit, n' veet ket refuzet.

- Penaos monet da dall-ar-stank,
Biskoazh na on bet enni frank !
It d'an traoñ gant ar vali-c'hlaz,
Hag a klevfet trouz hi golvazh ;

It d'an traon gant an ale frank,
Hag ho rento e-tal ar stank.
- Demat deoc'h, plac'hig o kannañ !
Kannañ a ret gwenn, a gredan ?

C'hwi a gann gwenn hag a wask stenn,
C'hwi gannfe din ma rokedenn !
- Na gannan gwenn, na waskann stenn ,
N' gannfen ket deoc'h ho rokedenn

- Plac'hig koant, din-me lavaret,
C'hwi brestfe din daouliarded ?
- O salv-ho-kras, ma iskuset,
N'on ket plac'h an daouliarded ;

N'on ket plac'h an daouliarded,
Nag ar gwenneienn ker neubed :
Me 'm eus ur breurig en pell-bro,
Ha mar klevfe ho rezonioù :

O ! ya, mar klevfe ho komzoù,
A vreofe deoc'h ho holl vemproù ! -
- Plac'hig yaouank, din lavaret,
C'hwi 'n eus ho preur anavezet ?

- Salv-ho-kras, siwazh ! n'am eus ket,
Me oa re yaouank pa oa aet ;

Me oa re yaouank em zoutou
Pa yeas ma breur er-maez ar vro.

Me oa yaouankik em c'havell,
Pa yeas ma breurig d'ar brezel ;
Me a oa c'hoazh yaouankik-mat.
Pa yeas ma breur a di ma zad.

- Plac'hig yaouank, din-me laret,
A c'hwi a garje hen gwelet ?
A greiz kalon hen goulennan,
Me garje 'vije bet amañ !

Leusket ho kolvez gant an dour ,
Hag ho saon gant an dinamour ;
Hag ho saon da vonet da c'heul,
Ha deut da vriata ho preur !

Ho lez-vamm a doa din laret
Ez oac'h plac'h an daou-liarded,
Ez oac'h plac'h an daou-liarded,
Bremañ welan mat n'ez oc'h ket !

Kriz 'vije 'r galon na ouelje
E-tal ar stank nep a vije,
O welet ar breur hag ar c'hoar
En em vriata gant glac'har ;

En em vriata gant glac'har,
Kouezañ raint o-daou d'an douar !

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes