Paroles de la chanson Ar bugel koar (L'enfant de cire) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Ar bugel koar (L'enfant de cire)"

Paroles de la chanson Ar bugel koar (L'enfant de cire) par Chansons Bretonnes

Na mar karje Landregeriz
Alc'houezañ kloz dor o iliz,
Na vije ket ur bugel-koar
Bet badezet en skeud al loar.

Ar Vagerez a c'houlenne
Eus 'n aotrou Penfeunteun, un deiz:
- Mar plij ganeoc'h, din lavaret
Eus a belec'h a zistroet ? -

- Distreiñ a ran eus ar ru-vras,
O prenañ ur sae satin-glas,
Brodet en-dro gant neud-arc'hant,
D'am fennherez, ur plac'hig koant. -

- Ma klevfac'h ar pezh 'ouzon-me,

Bikenn he sae na lakafe;
Bikenn he sae na lakafe,
Hag ho taoulagad n'he gwelfe.

Ho merc'h 'deus graet ur bugel-koar,
'Vit ho kas diwar an douar:
Ur bugel-koar he deveus graet
Evit ho kas prim d'ar vered!

Douget he deus-han nav miz-kloz
Etre he hiviz hag he brozh;
Douget he deus-han 'pad nav miz
Etre he brozh hag he hiviz. -

An aotrou kozh, p'en eus klevet,
D'ar gêr buan 'zo diredet:
- Roit, ma merc'h, ho alc'houezoù,
'Vit ober mezh d'ar gwall-deodoù! -

Ar bennherez, pa deus klevet,
Teir gwech d'an douar 'zo kouezhet;
Teir gwech d'an douar eo semplet,
He lez-vamm he deus hi savet;

He lez-vamm he deus hi savet,
Ha dezhi he deus lavaret:
- Roit d'ho tad an alc'houe'où,
Ma vo graet mezh d'ar gwall-deodoù. -

- Alc'houez an armel 'm eus kollet,
Alc'houez an arc'h am eus torret;
Alc'houez an arc'h am eus torret,
Me n'am eus ken alc'houez ebet. -

'N aotrou Penfeunteun kounnaret,
En ur vouc'hal a zo kroget;

An arc'h kerkent en deus drailhet,
Ar bugel-koar a zo kavet.

En ul lienn ez oa paket,
Ha gantañ ur yalc'h a gant-skoed,
Evit reiñ d'ar beleg diboell
En doa badezet ar bugel.

Teir gwech an deiz hi hen save,
Teir gwech an deiz hi hen broude;
Pa vroude 'nezhañ gant spilhoù,
E save pistig d'an aotrou:

Pa hen broude gant spilhoù-bras,
En e galon a skoe gloaz;
Pa domme 'nezhañ eus an tan,
An aotrou a yae moan-eus-moan.

'N aotrou Penfeunteun a lâre
D'he bennherez, neubeut goude:
- Deiz-sul, goude an ofern-bred,
Ma fennherez, c'hwi 'vo losket! -

- O ya ma zad, losket a vin,
Me dougo keuneud d'am loskiñ.
- Nann, ar c'heuneud na zougfet ket,
Rak en ur c'harr c'hwi 'vo douget.

Ar bugel-koar, ar bennherez,
Ar baeron hag ar vaeronez,
O-fevar ez int bet losket
Dirak an boll bopl dastumet;

Dirak an holl bobl dastumet,
O-fevar ez int bet losket,
Ar belek yaouank disakret,

Ha kerkent goude dibennet

An aotrou-kozh a ouele stenn,
Hag a ziframme e vlev gwenn,
O welet e verc'h o leskiñ,
Pa n'en doa bugel nemeti !

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes