Paroles de la chanson Ar marc'heger hag ar verjelenn (Le chevalier et la bergère) par Chansons Bretonnes

Ar marc'heger hag ar verjelenn (Le chevalier et la bergère) Traduction française

Chanson manquante pour "Chansons Bretonnes" ? Proposer les paroles
Proposer une correction des paroles de "Ar marc'heger hag ar verjelenn (Le chevalier et la bergère)"

Paroles de la chanson Ar marc'heger hag ar verjelenn (Le chevalier et la bergère) par Chansons Bretonnes

I

- Lâret-c'hwi din, berjerenn, petra ret hoc'h-unan ? -
- Ma eo ober ur boked dimeus a vleuñ balan. -

- Lâret-c'hwi din , berjerenn , na da biou eo hen graet ? -
- M'eo d'Ervoan an Henan, ka d'am muiañ-karet. -

- Mar eo Ervoan an Henan lareur eus ho pried,
Seizh bloaz 'zo ez eo maro, en douar-kerc'h interet. -

- Mar eo maro ma fried, Doue d'hen pardono.
Ha mar 'mañ en buhez, Doue d'hen konsolo !

Ha mar 'mañ en buhez, Doue d'hen konsolo,
Rak me eo sur he bried , Doue d'am konforto ! -

- Deut-c'hwi ganin, berjerenn, edan ur bodig-glas,
Me choazo deoc'h un habit dimeus a ekarlaz. -

- Ho ! salv-ho-kras, marc'heger, salv-ho-kras na 'z in ket,
Un habit lienn-leoïenn zo mat din da gavet :

Un habit lienn-leoïenn na pa ve kannet-gwenn,
A zo mat d'ur verjerenn 'vit mont d'an oferenn. -

- Deut-c'hwi ganin, berjerenn, edan ur bodig-glas,
Rak an amzer a zo kriz, an avel a zo bras. -

- Ho ! salv-ho-kras, marc'heger, salv-ho-kras na 'z in ket,
Rak ofañsiñ ma enor, koll respet ma fried.

- Lâret-c'hwi din, berjerenn, piou 'lareur anezhañ ? -
- Ho trugarekaat da c'houl, m'eo Ervoan an Henan. -

- Mar eo Ervoan an Henan 'lareur eus ho pried,
Seizh bloaz 'zo ez eo maro, 'n douar kerc'h interet ! -

- Mar eo maro ma fried, Doue d'hen pardono,
Ha mar emañ en buhez, Doue d'hen konforto ! -

Ker skuizh a oa he galon o tevisañ diouti,

Ken lemas e vanegoù evit parlant ganti.

- Mar eo maro ma fried, evel ma lavaret,
Emañ sur ma diamant war darn ho pizied. -

- Lâret-c'hwi din berjerenn, ha me a ve lojet
En ostaliri m'oc'h-c'hwi o vesañ an deñved ? -

- Oh ! ya, 'mezi, marc'heger, lojet mat a vefet ,
Bezañ zo marchosioù 'vit lakaat ho roñsed ;

Bezañ zo marchosioù 'vit lakaat ho roñsed,
Ha gweleoù mat a bluñv, d'ho lakaat da gousket.

II

Mont a ra ar marc'heger, da c'houlenn da goaniañ,

Goulenn 'ra ar verjerenn 'vit dont d'hen servijañ.

- Salv-ho-kras, 'me 'n hostisez, salv-ho-kras n'yelo ket,
Seizh bloaz zo 'mañ en ti-mañ, den na deus servijet.

Dont a ra ar marc'heger d'ofr dezhi da evañ,
Hag o tont ar verjerenn da gomer digantañ.

O tonet ar verjerenn da gomer digantañ,
Dont a ra an hostisez 'n despet hi fasatañ.

- Terrupl, 'mezhañ, hostisez, ho kavan iffrontet.
Dont dirak ma daoulagad d' fasatañ ma fried !

Lâret-c'hwi din berjerenn, pelec'h 'mañ ho tilhad,
Rak pa oan aet deus ar gêr, c'hwi a oa gwisket mat ?

- Leal, 'mezi, marc'heger, aet int d' wiskañ ma mab,
A zo seizh bloaz 'zo er skol, ur bugel desket-mat ;

A zo seizh bloaz 'zo er skol, ur bugel desket-mat,
Met mar eo gwir a lâret, na welo ken e dad ! . . . . .

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes