Paroles de la chanson Dalc'hit soñj mat ( Rappelez-vous bien ) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Dalc'hit soñj mat ( Rappelez-vous bien )"

Paroles de la chanson Dalc'hit soñj mat ( Rappelez-vous bien ) par Chansons Bretonnes

Dalc'hit soñj mat, kristenien, ez eus un deiz santel
A zeu dre son ar c'hleier, bep sizhun, d'hor gervel
Da vont d'an iliz parrez, 'vit meuliñ an Aotrou
Ha goulenn grasoù nevez e-harz an aoterioù
Ha goulenn grasoù nevez e-harz an aoterioù

Sentomp eta ouzh Doue, bep sul deomp d'an iliz
Evit klevet e gomzoù, ha 'vit ar sakrifis
Tud vat, selaouit hiziv levr kaer an Aviel
Jezuz vo ar prezeger, selaouit e gentel :

"Na vezit ket war enkrez, ha na livirit ket :
Petra gavin da zebriñ, penaos e vin gwisket ?
An Tad ho peus en neñvoù zo lemm e zaoulagad

Eñ roy d'e zervicherien ha bevañs ha dilhad

Sellit ouzh an evnigoù, a nij a-zioc'h ho penn :
N'ouzont na hadañ na mediñ, n'o deus ket ur c'hreunenn
Kaout a reont, dre gras Doue, bep dervezh o begad
Bevit eta gant fiziañs e madelezh ho Tad

Sellit ouzh ar bokedoù, a sav ken stank er prad :
Biskoazh n'o deus bet desket na nezañ na gwriat
Ha koulskoude Salomon, warnañ e vantell aour,
E-skoaz ur bodig lili a oa c'hoazh gwisket paour

Ni esper ar baradoz goude fin hor buhez
Lec'h ma klevimp gant dudi kantikoù an Aelez
Rak ur sul dreist pep hini eo an eternite
Un iliz dreist pep iliz eo palez kaer Doue

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes