Paroles de la chanson Fanchig Morvan ( François Morvan ) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Fanchig Morvan ( François Morvan )"

Paroles de la chanson Fanchig Morvan ( François Morvan ) par Chansons Bretonnes

- D'ar pardon da Vulat ez an,
Koñje, ma zad, a c'houlennan.

- Mar eo koñje a c'houlennet,
Piv ho kompagnones da vonet ?

- Fanchig Morvan, hennezh 'z a di,
Hennezh, ma zad, 'vo pried din

Barzh en Bulat p'int arruet,
En ostaleri int diskennet ;

En ostaleri int diskennet,
Goulenn da lojañ o deus graet.

- Hostizez, din-me lavaret,

Ha daou wele dimp a rofet ?

Ha daou wele dimp a rofet,
Rag ni na omp ket daou bried.

N'oa ket e c'her peurlavaret,
Ur c'habiten zo antreet

Fanchig Morvan, lares-te din
Ha te 'rofe da vestrez din?

- Gwell' 've ganin koll ma buhez,
Evit reiñ dit ma c'harantez.

Ar c'habiten, 'vel ma klevas,
Gant Fanchig Morvan a lampas ;

Gant Fanchig Morvan a lampas,

Kerkent eno hen douaras.

Fanchig a oa lijer ha skañv,
Hag a savas prim en e sav :

Ar soudarded pa hen gweljont,
Gant Fanchig Morvan a lampjont,

Hag adarre hen douarjont,
Ha kerkent eno hen lazhjont.

Ar plac'hig yaouank a ouele,
Na gave den he c'honsolje

Na gave den he c'honsolje,
Met ar c'habiten, hennezh rae

Hennezh 'rae dezhi bepred :

Tavet, plac'hig, na ouelet ket,

C'hwi deuy ganin war ar pave,
Ma soudarded a deuy goude ;

C'hwi a deuy ganin war ar ru,
Ma soudarded a bep-a-du.

- Aotrou kabiten, m'am c'haret,
Ho kontell din-me a brestfet ;

Ho kontell din, pe ho pognard,
Da droc'hañ ma las, zo re start.

N'eo ket he las he deus troc'het,
En he c'halon deus hi plantet !

Pa distro 'r c'habiten en-dro,

Oa ar plac'hig war he genou ;

Oa ar plac'hig war he genou,
Ar gwad 'dani a-boulladoù

- Penamet daoniñ ma ene,
N'oas ket aet gwerc'hez dirak Doue

Pa varv an eil 'vit egile,
Na ve ket fin d'ar garantez !

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes