Paroles de la chanson Garan ar Briz (Garan Le Briz) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Garan ar Briz (Garan Le Briz)"

Paroles de la chanson Garan ar Briz (Garan Le Briz) par Chansons Bretonnes

Mar plij ganec'h a selaoufet
Ur werz a zo newez-zavet;

Ur werz a zo newez-zavet,
Da C'haran ar Briz ez eo gret.

Arru eo 'r mandat a newe,
Rigouruz a-beurz ar roue,

Da lakad tenna d'ar billet,
Choas 'r c'horfou gwella ar wazed,

'Dalek ann oad a dric'houec'h vloas,
Beteg 'nn oad a dri-ugent vloas.

Personn Cavan a lavare

En he gador pa sermone :

- Orsa eta holl, Cavaniz,
Ur c'hezlo trist en ho iliz!

Korf ha mado 'z omp d'ar roue,
Hag hon ine 'zo da Doue.

Warc'hoas ama c'hui em gavo,
Wit-oc'h holl me oferrinio;

Wit-oc'h holl me oferrinio,
Ganec'h d' Lannuon me' ielo. -

Kriz vije 'r galon na oelje
En Lannuon nep a vije,

O welet Cavan ha Ploubezr,

Asambles o tiskenn en ker.

Ann taol a dek-heur 'zo skoët,
Parouz Ploubezr a zo galwet;

Parouz Ploubezr a zo galwet;
Gant hini na eo digwezet.

Parouz Cavan a deuz tennet,
Gant Garan ar Briz eo digwet.

Garanik ar Briz a oele,
Na gave den hen konzolje;

Na gave den hen konzolje,
Met he baeron, hennez a ree.

- Tawet, Garan, na oelet ket,

Ur re-bennag a renk monet.

- Me n' rojenn forz wit partian,
Penamet ma mamm-baour 'zo klan;

'Ma seiz miz 'zo war hi gwele,
Na deuz kristenn nemet-on me. -

Garan ar Briz a lavare
Er ger d'he vamm, pa arrue :

- Savet, mamm baour, euz a-lec'h-ze,
Ma rinn ur wes c'hoas ho kwele. -

- Pe c'hui 'zo skuiz euz ma c'hlenved,
Pe c'hui 'zo skuiz euz ma gwelet? -

- O tenna d'ar billet 'on bet,

Soudart 'wit Cavan 'z on digwet! -

Ar vroegik paour a lavare
D'hi mab Garan eno neuze:

- Ma mabik paour, em gonzolet,
Ur re bennag a renk monet. -

Pa oant ho daou o teplori,
Teuas he gabitenn en ti :

- Hastet, Garan, em breparet,
D' Wengamp fenoz vo red monet. -

Garan ar Briz, pa 'n euz klewet,
E-meaz ann ti 'zo sortiet;

'Nn or war he vamm 'n euz alc'houezet,

Da di ar person ez eo et :

- Dalet, gouarnerez, alc'houez ma mamm,
M'ho ped da gaout ann-ez-hi soign,

Ha laret d'ann aotro person
Hi rekommandi en hi bron;

Hi rekommandi 'n ofern-bred,
Ma ielo ann dut d'hi gwelet. -

- Lakit ho alc'houez lec'h m' karfet,
Lec'h m'hen po laket hen kavfet. -

Euz 'r presbitor 'n euz kimiadet,
D'ann iliz kerkent ez eo et.

Aotro sant Caran, ma faëron,

Grit ewit-on un donezon :

Lahit ho kleïer d' zoon kanvo
D'am mamm paour, pa vo maro

Kanvo d'ann noz ha d'ar beure,
Ha karillon war ar c'hreiz-de!

Ha grit ma klewinn ann-ez-he
Hag a veen pemp-kant lew out-he ! -

Garan ar Briz a lavare
En kreiz ann arme, un de oe :

- Arretet, kabitenn, 'r penned,
Kleïer Cavan am euz klewet! -

- Penaos a klewfes ann-ez-he,

Ha te pemp-kant lew dioud-he? -

- Laket ho troad war ma hini,
Hag ho c'hlewfet kerkoulz ha me. -

He droad war h' hini 'n euz laket,
Kleïer Cavan hen euz klewet.

He gabitenn a lavare
Da C'haran 'r Briz eno neuze :

- Me 'skriv did Garan, da gonje,
Da vonet d'ar ger da vale. -

Garan ar Briz a lavare,
'Tal feunteuniou Cavan p'arrue :

- Petra 'zo a-newez ama,

Ma soon ar c'hleïer er giz-ma? -

- Tri de ha ter nozwez a zo
E maint noz-de o soon kanvo;

E maint noz-de o soon kanvo,
Hep kristenn ganet war ho zro !

Kanvo d'ann noz ha d'ar heure,
Ha karillon war ar c'hreiz-dé! -

Garan ar Briz a lavare,
Prennestr gwele he vamm pa dremene :

- O Doue! marw eo ma mamm-me,
Pa n' 'ma hi fenn 'n prennestr hi gwele;

Pa n'hi gwelann 'n prennestr hi gwele,
'Welet a be-duz arrijenn-me. -

Garan ar Briz a lavare,
'N presbitor Cavan p'arrue :

- Roët d'in-me ma alc'houezo. -
- Lec'h poa hi laket c'hui ho c'havo. -

Garan ar Briz, pa 'n euz klewet,
'N he alc'houezou a zo kroget;

'N he alc'houezou ez e kroget,
'Nn or war he vamm 'n euz digorret.

Oa he vamm-baour war leur-an-ti,
Peder gwerc'hes hi lienni;

Peder gwerc'hes hi lienni,
Peder sierj koar dira-z-hi.

Daou bok d'he vamm hen euz roët,
Ha war ar plaz ez e marwet.

Emaint ho daou war ar varw-skaonv,
Doue d' bardono ann anaoun !

Emaint en palez ann Drindet,
Graz d'imb da vont di d'ho gwelet !

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes