Paroles de la chanson Klemmvan Itron Nizon (Complainte de la Dame de Nizon) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Klemmvan Itron Nizon (Complainte de la Dame de Nizon)"

Paroles de la chanson Klemmvan Itron Nizon (Complainte de la Dame de Nizon) par Chansons Bretonnes

Allas ! allas ! marv itron
Maner ar Genkiz-a-Nizon
Me wel evel ar c'houmoul du
A guzh an heol a bep tu.

- Hor mammig paour, pa n'em oc'h mui,
Piv dorro pelloc'h hon naon-ni ?
Piv roy deomp dilhad ha louzoù ?
Piv bareo hor goulioù ?

Adal ar gêr a Gemperle
Betek Nizon ni a ouele,
E bordig an hent daoulinet
Hed peder lev hon eus gouelet

Gouelet hon eus da heul ar c'harr

Zo bet ouzh ho kas d'an douar ;
Gouelet hon eus e-tal ho pez
Gouelañ raimp e-pad hor buhez.

Pebezh kañv, siwazh, er maner
Pebezh kañv er vro, itron ger
Kenavo, hor mamm dous ha mat ;
Perak oc'h-hu deut d'hor c'huitaat ?

- Peorien, peorien geizh, ho taeloù
Zo dreist an holl meuleudioù ;
Koulskoude n'eo ket ret gouelañ
Pa 'mañ hor mamm e-barzh ar joa.

Pa 'mañ gant ar Werc'hez santel,
Gant Jezuz hag an Ebestel
Gant ar Sent hag ar Sentezed,
Gant he div verc'h, gant he fried.

Ar beleg e-tal he gwele
Gant ur vouezh dous a lavare :
«Sent ha sentezed eus an neñv,
Deut da zegemer va ene;

Deut 'ta, ma hellin evit mat
Karout, ganeoc'h, Doue hon Tad,
Er Baradoz da virviken. »
Neuze e teuaz da dremenn.

Tremen he deus graet gant dousder,
Evel o c'hoarzin, hor mamm ger,
Evel m'he defe gwelet dor
Ar Baradoz dezhi digor.

Edo gouel Maria-Garmel
Gouel dudius evit mervel,

Edo abardaez ar gwener,
Deiz bras ma varvas ar Salver.

Tavit 'ta, peorien geizh, tavit,
Na ouelit ket, ma he c'harit
Mat da vediñ a oa an ed
An aelez o deus hen medet.

Ar wezenn gozh a zo pilet,
E dra gant ar Mestr a zo aet,
Koulskoude meur a blant yaouank
A chom war e lerc'h stank-ha-stank.

An evnigoù a c'hello c'hoazh
Neiziañ dindan an delioù glas,
Ha kanañ meuleudi Doue
Na losk evn na den dibourvez.

Leveromp an De profondis
E-tal bez itron ar Genkiz,
Ha ra vo skrivet war he maen:
AMAÑ EMA MAMM AR BEORIEN.

Ar werz zo graet gant ur beleg,
Bet kure e parrez Rieg,
Hag a gare, hag a garo
Da viken an itron varv.

Endra ma chomo e buhez
E lavaro peb mintinvezh
Ur Memento 'vit e vamm gozh ;
Ma' z ay ganti d'ar Baradoz !

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes