Paroles de la chanson Merc'hejoù Lokenole (Les filles de Locquénolé) par Chansons Bretonnes

Chanson manquante pour "Chansons Bretonnes" ? Proposer les paroles
Proposer une correction des paroles de "Merc'hejoù Lokenole (Les filles de Locquénolé)"

Paroles de la chanson Merc'hejoù Lokenole (Les filles de Locquénolé) par Chansons Bretonnes

Merc'hejoù Lokenole a zo merc'hed a stad (bis)
Na brizont ket da zañsal, nemet gant paotred vat(bis)

Merc'hejoù Lokenole a ya d'ar baludenn
Diarc'hen, divouchouer, koef ebet war o fenn

Merc'hejoù Lokenole o deveus prometet
Monet en pelerinaj da Sant-Yann benniget

Dre c'hras an Aotrou Doue, da Sant Yann n'int ket aet
Rak e-barzh e Plougasnou ez int bet diskennet

Ar person a lavare d'ar sul en ofern-bred :
"Diwallit merc'hed yaouank, gant aon vefec'h tromplet (bien "tromplet")

Diwallit merc'hed yaouank, gant aon vefec'h tromplet
Dre ar c'habiten Lablond hag e vartoloded"

Ar merc'hed a respontas deus a draoñ an iliz :
"Prezegit Aotrou Person, ni a rayo hor giz"

Ne voa ket peurlavaret, na mat ar gousperoù
Ma voa ar merc'hed yaouank er bourg a Blougasnou

Barzh e ti Mari Beron ez int bet diskennet
O ya, dre ma voa gante yalc'hoù martoloded

Ar merc'hejoù a drinke hag a lipe o beg
Hag ar wazed a gane, a gane en galleg

Hag ar wazed a gane, a gane en galleg

Hag ar merc'hed a c'hoarzhe dre na intentent ket

Nemet un dortez vihan deus a vourk Karanteg
Hounnezh voa bet er gouant, o teskiñ ar galleg

Hounnezh voa bet er gouant, o teskiñ ar galleg
Hag a bede mil mallozh war ar vartoloded

A wazed a lavare, seder o daoulagad,
Da verc'hed Lokenole, a-raok dont d'o c'huitaat :

"Ma vefemp-ni intañvien, (gras deomp na vefomp ket)
Ni zeuio c'hoazh ur weach, ur weach d'ho kwelet,

Hag a zigaso deoc'h-c'hwi neuze, ur chapeled
Ha pep a walenn arc'hant d'ho kamaradezed"

Merc'hejoù Lokenole 'n ur ouelañ lavare
Da Lablond ar c'habiten : "Ni hor bo keuz dit-te

Kenavo dit-te Lablond, o ya, pa 'maout o vont,
Ni garfe a greiz kalon e vijes c'hoazh o tont"

Merc'hejoù Lokenole a ouele war ar c'hae
Da Lablond ar c'habiten, allas ! partiet eo !

Lablond a zo partiet gant e vartoloded
Ha merc'hed Lokenole a huanad bepred

Lablond a zo partiet hag aet er-maez ar vro
Ha merc'hed Lokenole a c'hortoz e zistro

Me gred da Lokenole ne zistroio biken
Kaer o deveus ar merc'hed kavet poan hag anken

Kaer o deveus ar merc'hed gouelañ dezhañ dourek
Ne zeuio ket da ganañ dezho sonioù gallek

Rak-se 'ta merc'hed yaouank, a galon me ho ped,
Ankounac'hait Lablond hag e vartoloded

Ankounac'hait Lablond hag e vartoloded
Ha bezit ivez furoc'h en amzer da zonet

Ha bezit ivez furoc'h en amzer da zonet

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Chansons Bretonnes