Paroles de la chanson Granmer Kal Kont Halloween par Davy Sicard

Chanson manquante pour "Davy Sicard" ? Proposer les paroles
Proposer une correction des paroles de "Granmer Kal Kont Halloween"

Paroles de la chanson Granmer Kal Kont Halloween par Davy Sicard

Avan taler
Nou majine simetier
Nou rant dann mwa zavan
A’i jiskaler
Li kontinié fé per
Kantité ti zanfan
I wa ali konm
Inn ti diab in diabet
In mové zam in démon
Avan i nom
Ali li ‘é anndan son fief
Li lé déja dann ron
Granmer Kal lé paré

Pou Kala pou Kala
Bat la min pou Kala

Son tour aster
Konm dann in gran toner
I rant lot konbatan
A’i jiskaler
Li kontinié fé per
Bon kantité d’paran
I wa ali konm
In grimas in fantom
In malin fe-folé
Rosanm sé li
Si l’papié l’favori
L’pli gabié danjere
Halloween la ‘rivé

Mé nou pou Kala…

Madam mesie rouver gran zot zorey zot zie pars aswar

Dë léjann le non la travers le tan
I sar fé rant dann listwar in zistwar i sar dépas tout ter désot tout loséan
E ryin k’pou zot plézir
Fé in kont zot i pe et sir
Banna la pa là pou fé dantel
A la fin vinker nora insel

Lo promié an kilot nwar lé si son prop ter
I apel ali Kala
Son lanblem in Bébet-Tout in Zwazo Gran maler
Lo deziem an kilot blan i sort dann péi lerop di nor ousa la ter lé ver
I apel ali Jack O’
Son lanblem in navé pou lantern

Si in ring pou lo mo konm dann in ron moring
Zot i batay an respé lo méyer i gainy

Pou komansé lé dë i dans
Inn an shaloupé lot an kontrodans

Kala an promié i déklansh
Li ve fé pas lot in nuit blansh
Jab si diab son bann mo i kony for i kony dir
Vap si lab son bann mo i fé pet la tet i déshir
I mark lo pwin, i bat dann kwin, i grandi, i anfleri

Jack O’ i ankes i ankes i tranm mé i tonm pa
Epi là épi là kan li wa Kala lé bandé banna
Jack O’ i sort son zarm fatal
E li fane sa konm in malere sor par paké an ponyé an rafal

Bonbon kisa i ve

Shamay pa na po tout lo pe tout kalité

Bonpe anparmi la kour desi
Pars pou zot sa té dou
An vré zot lavé pa vi
Là-mem Kala la komans gainy lo kou
Zot lavé pa konpri
Zot lavé perd lo gou
Pou lo gayar isi
Anndan lo kréol an nou

Kala té koné son ladverser
Son manier son tiktak
Mé li té krwa son siporter
Noré res intak
Insi Kala la met in jenou ater
Son zistwar la anfébli
É Jack O’ la komans galiz ek li

Mé nou nou kal là
Pou Kala…

Kisa la diabet
Sat i done lo mo
Oubyin sat i done mové sik
La pwazon pou lo kor lespri i pik

E dousman ti dousman
Aforstan aforstan
Tipe tipe li la antandi
Anou bat la min pou li
Kala la arlevé
Mé la fin lo zistwar kisa i koné

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)