Paroles de la chanson Hanu lasciatu par I Muvrini

Chanson manquante pour "I Muvrini" ? Proposer les paroles
Proposer une correction des paroles de "Hanu lasciatu"

Paroles de la chanson Hanu lasciatu par I Muvrini

Hanu chjosu e scole, u vechju campanile
A nèpita hè crisciuta accantu à u casgile
Hanu lasciatu un fiore
Per u mese d'Aprile

Hanu chjosu e case quand'elli sò partuti
Ma u sole hè vultatu mezu à i caracuti
Sò firmati l'amori
In li paesi muti

Abbandunate l'orte è i prati à vaccheghju
Ci corre una funtana è canta à trimuleghju
Sò firmati i strazii
Accantu à u cunceghju

Ci hè un purtone apertu di castagnu tarlatu

È nantu à u scalellu trentanove stampatu
Hanu lasciatu l'ore
Di u tempu passatu

Da sottu à una croce truvarete una scritta
I nomi sò zuccati nantu una petra arritta
Hanu lasciatu un pientu
Una làcrima zitta

Nantu à un muraglione hanu postu in turchinu
Còrsica nazione di pettu à lu destinu
Hanu lasciatu un passu
À mezu à lu caminu
Hanu lasciatu un passu
cume un ùltimu fiatu
Hanu lasciatu un passu
U sole era chjinatu
Hanu lasciatu un passu

Chì ùn hè ancu vultatu

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment