Paroles de la chanson Ene bonne crasse pinte par Julos Beaucarné

Chanson manquante pour "Julos Beaucarné" ? Proposer les paroles
Proposer une correction des paroles de "Ene bonne crasse pinte"

Paroles de la chanson Ene bonne crasse pinte par Julos Beaucarné

Eno qu'c'est bon, ène bone crasse pinte
Qu'on bwat in plin mitan d'l'èsté
In riyant, in stant dvins n'bèle binde
In rwêtant l'fyiye du cabarèt?

Ene pinte dè biére, èno qu'c'êst bon?
Wétèz l'èskeûme, lûjante, bin, clére,
Blanche come néje, lidjére come l'amoûr
C'est tout-ène fièsse dins vo ptit vère:
Ça crape au long, ça brotche au boûrd
Ene pinte dè bière, êno qu'c'êst bon?

Ça sint l'solêy, àa sint l'lumiére,
Ça sint mêyeûs qu'in frèche bouquèt,
Ça sint les tchamps, ça sint l'èstè.
Bwâre ène pinte, c'est dîre ène priyére

Mais n'buvèz nîn ça come dè l'yau,
N'clitchèz nin ça come dins n-in trô;
Mtèz-I dè l'syince, mtèz-I d'l'aprèsse,
Ça vos rmûra come ène carèsse,
Trimpèz vos lévres tout doûcètemint,
Yun pa yun, rmouyèz tous vos dints;
Stindèz bin l'biérz ttavau vo bouche,
Fètes-le glichî pa finès couches,
Chuchèz_llè! N'vos dèspéchêz nîn!
Bwâre trop râde, l'amiss, ça n'vaut rîn!
Vos sintirèz n'vîye sans parêye
Couri d'vo front djusqu'à vos kvêyes!
Mais surtout, n'buvez nîn tout seû:
Pou bîn bware, i faut yèsse à deus.

Eno qu'c'êst bon, après s'djournéye,
D'bwâre à ptits coûps, in fzant n'tatléye?

N'riyès nîn! ça sroût sans réson!
Ene bone crasse pinte, èno qu'c'êst bon?

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment