Paroles de la chanson Anmwe Sekou par Klass

Chanson manquante pour "Klass" ? Proposer les paroles
Proposer une correction des paroles de "Anmwe Sekou"

Paroles de la chanson Anmwe Sekou par Klass

KLASS!
Fò’m pale mezanmi!
Yeba!

Tèlman m obsede ak pwobèm peyi mwen
Mwen pa kapab fèmen je mwen
Soulye a gendwa pa vle di nou
Men l konn lè on chosèt gen twou
Nou konfonn neglijans ak aksidan
Nou tankou on pakèt ti bèt kouran
Maladi peyi m paka pi grav
Paske pi mal se kadav

Anmwe! Anmwe wo!
Pou enterè pwòp frè n ap detwi nou
Bondye! Bondye wo!

Papa ou se sèl doktè ki ka geri nou

Pouki n ap fòse pèp la di viv kounya
Lè n konnen l pral di aba pita
Li fè m mal lè n kouri pou lapli
Se nan lanmè nou blayi
Pa bezwen konn kiyes ki prezidan
Depi yo vote l legalman
Mwen bouke wè manyòk kap rache
Pou yon pi mal ranplase

Anmwe! Anmwe wo!
Pou enterè pwòp frè n ap detwi nou
Bondye! Bondye wo!
Papa ou se sèl doktè ki ka geri nou
Pipo kòman w ye!?
Nap gade san pran sa kap pran san gade!
Adje frè! Se vre wi Richie! Yeba!

Pwofèt la pale! Ayisyen tande!
Tout tan n gen souf fon batay!
Yonn pou lòt! Yonn pou lòt!

Nou gen posiblite chanje
Se bòn volontè nou manke

Kot ti sa n paka fè la?!
Nou gen posiblite chanje
Se bòn volontè nou manke

Adje! Si w konnen l pa bon pou zwa
Pa di li bon pou kana
Si nap rele chen papa pou zo
Diyite n a zero
Kay ap bati nan ravin
Tankou pye bwa k san rasin
Si yon lòt seyis pase

Dega yo pral repete
Paske nou pa janm pare

Pran sans nou!
Anmwe sekou!
Nap pèdi eskanp figi nou!
(Repeat)

Nou bezwen yon lòt Toussaint
Yon Dessalines tap fè n byen woy
Devan radiyès Dominiken
Yo ta ede n goumen
Tout sak fè nou parèt gran
Se nan listwa nou yo ye
Nou bezwen lidè vanyan
Ki pap preche n reziye
Ki gen kouraj ak diyite

Pran sans nou!
Anmwe sekou!
Nap pèdi eskanp figi nou!

Figi nou atè a!

Pran sans nou!
Anmwe sekou!
Nap pèdi eskanp figi nou!

Si maladi n pi grav nou pral kadav!

K-L-A-S-S! KLASS!
Manman, manman, manman, manman!

JP fè travay ou!

Rapidite! Sa li ye!

Se nan Klass la! Tout pawòl pale!
Wi se nan Klass la! Tout pawòl pale!

Oolalalalalala! Quelle affaire?!

Pran sans nou!
Anmwe sekou!
Nap pèdi eskanp figi nou!

Nou pa gen respè pyes kote!
Pran sans nou!
Anmwe sekou!
Nap pèdi eskanp figi nou!

Si n pa parèt ansanm, nou pral disparèt ansanm wi mezanmi! Heyhey!
Al medite sou sa!

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment

Les plus grands succès de Klass