Paroles de la chanson Immetaweniw par Lounes Matoub

Chanson manquante pour "Lounes Matoub" ? Proposer les paroles
Proposer une correction des paroles de "Immetaweniw"

Paroles de la chanson Immetaweniw par Lounes Matoub

Semmḥeɣ-awen ma tezzmem
Imi ur tḍallem
Ɣef iẓuran n lehlak-iw
Tewtem s ṭṭen tfesrem
Mazal theddṛem
Di lemtul ternam isem-iw
Ah ya limer d iyi-tjeṛṛbem
Deg-i ur tekkatem
Ad tsurfen imeṭṭawen-iw

Ay atmaten zedɣeɣ axxam
Siwa kan qessam
I geẓran amek iweṣṣef
Leḥyuḍ ulin s leɣmam
Yessa s ttexmam
Yerna s usigna iseqqef

Iḍ d was fell-i d ṭṭlam
I imi ṛẓagit tiram
Si leɛmeṛ-iw temẓi texsef

Semmḥeɣ-awen ma tezzmem
Imi ur tḍallem
Ɣef yiẓuran n lehlak-iw
Tewwtem s ṭṭen tfesrem
Mazal theddṛem
Di letul ternam isem-iw
Ah ya limer d iyi-tjeṛṛbem
Deg-i ur tekkatem
Ur tekkatem deg yimeṭṭawen-iw

Ah ya limer d iyi-theṛṛbem
Deg-i ur tekkatem
Ur tekkatem deg imeṭṭawen-iw

Di twenza-w di tenza-w
Ay ɛemṛent temsal agraw

Imeṭṭawen-iw d isefra
N bwidak meṛṛa
Yuɣen tiyita di laman
Win ijerḥen am nekk yeẓṛa
Ur ksaneɣ ara
Qewteɣ lefrisa s waman
Ul ɣer daxel yettarra
Ruɣ terra tmara
Imeṭṭawen deg-i atna gman

Ul ɣer daxel yettara
Ruɣ terra tmara
Imeṭṭawen deg-i atna gman

Di twenza-w di tenza-w

Ay ɛemṛent temsal agraw

Ay atmaten zedɣeɣ axxam
Siwa kan qessam
I yeẓṛan amek iwessef
Leḥyuḍ ulin s leɣmam
Yessa s ttexmam
Yerna s usigna iseqqef
Iḍ d was fell-i d ṭṭlam
Ṛẓag-it tiram
Si leɛmeṛ-iw temẓi texsef

Iḍ d was fell-i d ṭṭlam
Ṛẓag-it tiram
Si leɛmeṛ-iw temẓi texsef

Di twenza-w di tenza-w
Ay ɛemṛent temsal agraw

D tafsut yesgem yal amgud
Neɣ d ccetwa s rrɛud
Nekk fell-i ur ibeddel lḥal
La leḥḥuɣ melba lmeqsud
Ul yezga yeffud
Liser fell-i d lmuḥal
Ԑeddan-d u ɛeddant leɛud
A Ṛebbi lmeɛbud
Di ṣṣbeṛ mazal-iyi acḥal

Ԑeddan-d u ɛeddant leɛud
A Ṛebbi lmeɛbud
Di ṣṣbeṛ mazal-iyi acḥal

Di twenza-w di tenza-w
Ay ɛemṛent temsal agraw

Di twenza-w di tenza-w
Ay ɛemṛent temsal agraw

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)