Paroles de la chanson Tidett yeffren par Lounes Matoub

Chanson manquante pour "Lounes Matoub" ? Proposer les paroles
Proposer une correction des paroles de "Tidett yeffren"

Paroles de la chanson Tidett yeffren par Lounes Matoub

Yemmekta-d wul Sliman
D Si-Muḥ-u-Mḥend yefnan
Negren ur d-ğğin ara
Kul wa anda i s-rkan yeɣsan
Sliman atan iban
Aẓekka ines di lɣerba
Si Muḥ ɣef wayen d-nnan
Wid yecfan neɣ wid yuran
Yenṭel deg aseqqif n Ṭṭmana

Yemmekta-d wul Sliman
S lbaṭel fella-s yeḍran
Yemmut meskin d amengur
T-tasa-w it t-id-ijemεen
Tqeddeḥ igezm-itt waṭṭan
Nnejmeεn daxel-is leğruḥ

D zzit yufraren ɣef waman
Lemtul-is d ayen yeṣfan
Ttejṛa i ten-id-yegren teqqur
Yecna f lɣerba mm lemḥan
At tmurt-is gezren yiḍan
Yecna f wemɣar d umecṭuḥ

Yerɣa uεerqub isefra
Tirgin ur d-g°rint ara
Ula d iɣed yeddem-it waḍu
Assagi ula d menwala
A k-yini bb°eḍɣ asigna
Netta acḍaḍ-is yettfuḥ

A Muḥ a Muḥ
Kker m’at-tedduḍ an-ṛuḥ
A Muḥ a Muḥ

Lɣerba tejreḥ ul-iw
Ccah di ṛṛay-iw
Ṛwiɣ anadi n tmura
A ṣṣalḥin n tmurt-iw
Nhut atmaten-iw
A yi-ğğen abrid tura
A n-awin s yiɣsan-iw
Cukkeɣ at taddart-iw
Ur diyi-ttag°in ara

Ay afṛux εjel εelli
S idurar n At Yiraten
At Wasif d wat Ɛisi
T-tuddar Iwaḍiyen
Seg Wagni-Ggeɣran εeddi
In’ asen yiwen yiwen
F Sliman Ɛezzem steqsi

Ma t-tidett ayen i d-qqaren

Nnan-as medden yeḥḥerkel
Netta ur yexdim ara
Lemmer yelli ciṭ n leεqel
Yak yecna f lḥuriyya
Imi nek°ni nedderɣel
Netterra argaz d ccmata
Win i d-yusan ad aɣ-immel
Amek ara teddu tmurt-a

Semman-as medden lmenfi
Ur yenɣi ur yukir yiwen
Wis ma d lirad n Ṛebbi
Neɣ d lεebd i s-tt-icummen
Yenfa-d mebɣir lebɣi
Seg wakal i t-id-yessekren
Temẓi-s tṛuḥ d akeṛfi

Yemmut ur d-iğği imweṛṛten

D aɣrib d abeṛṛani
Di tmura n medden
Lweḥc u lemḥani
Ma d Ṛebbi i-graden

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)