Paroles de la chanson Yir attan par Lounes Matoub

Chanson manquante pour "Lounes Matoub" ? Proposer les paroles
Proposer une correction des paroles de "Yir attan"

Paroles de la chanson Yir attan par Lounes Matoub

Seg ubuqal n lbatel yeswa
Yuɣal ixeddem lmenker
Yezenz nnif-is s ṛxa
Win yufa zdat-s ad t-yeḥqer
Baba-s mačči akka i yella
Di zman-is yesɛa leqder

Awal sin ad a k-yini
Iya ddu-d yid-i txemleḍ
Nekk d mmi-s n leflani
Baba yensex di lkaɣeḍ
Amek yiwen am keččini
Ar ɣur-i ad teḥnunfeḍ

Yessusuf ɣer yigenni
Ttuɣalt-d ɣer yimi-s

S kra n wi yellan d aqbayli
Yettqadaṛ kan aẓar-is
Qaren-as baba-s d isselmi
Mmi-s ixulef abrid-is

Seg ubuqal n lbatel yeswa
Yuɣal ixeddem lmenker
Yezenz nnif-is s ṛxa
Win yufa zdat-s ad t-yeḥqer
Baba-s mačči akka i yella
Di zman-is yesɛa leqder

Akken taɣli zzerɛa ad temɣi
I d-nnan imezwura
Ur umineɣ s waya-agi
Ur umineɣ s wannect-a
Amek baba-s d aḥuṛṛi
Mmi-s ur t-yecbi ara

Seg ubuqal n lbatel yeswa
Yuɣal ixeddem lmenker
Yezenz nnif-is s ṛxa
Win yufa zdat-s ad t-yeḥqer
Baba-s mačči akka i yella
Di zman-is yesɛa leqder

I d-icebbun di baba-s
Siwa ṭikkuk di lexla
D lemtel yebnan f lsas
Leḥyuḍ-is ur zligen ara
Argaz bu lhiva d tisas
Yezmer ad d-yesɛu cmata

Seg ubuqal n lbatel yeswa
Yuɣal ixeddem lmenker
Yezenz nnif-is s ṛxa

Win yufa zdat-s ad t-yeḥqer
Baba-s mačči akka i yella
Di zman-is yesɛa leqder

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment