Paroles de la chanson Mwago witú Remix par Samidoh

Chanson manquante pour "Samidoh" ? Proposer les paroles
Proposer une correction des paroles de "Mwago witú Remix"

Paroles de la chanson Mwago witú Remix par Samidoh

Iyi iya tene bururu uyu wa andu airu-i
Hindi iria andu othe metigirite Ngai-i
Hindi iria gutaciaritwo iri-mathahu-i
Mwanake ndagiacokeirie muthuri-i
Kihii gitingiacokeirie mwanake

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Maitu Wairimu ngoma ng'eni ni njuru-i
Nicio ciarigurire wari muirige
Muciari na muciarwo makiiganana-i
Thahu mugiro na kirumi ikihuthio
Dini na githomo cikiiganania andu-i

Uthigu na utheru ikiumbuka ta ndogo
Ona wona mathakaritio ni nguo-i
Ni cionje cia mitugo irathii na njira

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Tene maugaga ati guciara ti kumia-i
Kwa riu kwanatuma aciari merire
Mwana uria waciaragwo akaugiro ngemi-i
Araugithia ithe na nyina mbu muthenya
Akamahatika nginya mbiriraini-i
Nakio kirumi gigakimuikia moko
Mitino ikamuria na miena yothe-i
Aregagwo akaregwo nginya ni irio

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Maitu kirira kia uguri na ugurani-i
Giekirirwo nduma ni mbari ya wangu
Magigweterwo cia mwati na harika-i
Maruga iguru makiugaga ishindwe
Nacio ndwari ikamaria na njiarwa ciao-i
Ni tondu nimajuregire gutwara
Twara undo kuri athoni mirimu ithire-i
Mutugi werirwo ndwithambagwo ruui

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Maithee maitu ma tene nomahoyaga-i
No metaga Ngai hari na gitumi
Ni uthingu na utheri wamatongoragia-i
Na nimoi ati Ngai ndanyuragio
Mahoyaga mbura macoya mehau-i
Macoya ma kwihumbira makiinuka
Samidoh ndatema na kanua ti ruhiu-i
Wa maitho niwerirwo ti wa ruthiomi

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Muigai wa Njoroge ngoma ni njuru-i
Nicio ciarigurire wari muirige
Muciari na muciarwo makiiganana-i

Thahu mugiro na kirumi ikihuthio
Dini na githomo cikiiganania andu-i
Uthigu na utheru ikiumbuka ta ndogo
Ona wona mathakaritio ni nguo-i
Ni cionje cia mitugo irathii na njira

Nituorire-i, tukiurira ngurungaini cia utunyani
Tukinyaga-i, rimwe mbere tugacoka meri thutha
Uthaai uthaai-i, Mwenenyaga tucokerie mwago witu
Uthaai uthaai-i, Mwenenyaga tucokerie mwago witu

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment